Uno man kaha na naguol sanan nagtuwaw man si Jesus na nagtan-aw sa siyudad nan Jerusalem?
Nauna na an pagpropesiya ni Jeremias nan idja kapahunan pa kon uno an mahitabo sa siyudad, na mapukan sanan maguba an Jerusalem sanan moguho an mga templo nila.
Nan pag-abot ni Jesus, an propeta na tagpadaya nan Ginoo sa Jerusalem, waya Sidja dawata nan mga tawo sa siyudad tungod sa ila garbo sanan pagka-wayay pagtuo, waya sila mamati Didja.
An kakuyangan nan pagsalig sanan pagtuo sa Mesiyas na tagpadaya nan Diyos amoy hinungdan nan pagka-pukan sanan pagka-guba nan siyudad na amoy taghuna-huna ni Jesus.
Pero an hinungdan nan kagul-anan sanan pagkasubo amo sab an nahimo na basehan nan kalooy sanan wayay katapusan na gugma nan Ginoo sa tanan mga tawo kay tagpadaya man Nidja si Jesus, an buhi na templo Nidja na nagtubos nan mga kasay-anan nan tawo.
Pinaagi sab kan Kristo, mahimo an tawo na templo nan Espiritu Santo.
Tagbisitahan nan Diyos an tawo nan an una pa sanan padadjon pa gihapon pagbisita Sidja dato kuman pinaagi nan Idja mga regalo sanan an mga taghimo na Espiritu Santo para dato.
Ato ba tagkilaya an adlaw-adlaw na pagbisita nan Diyos sa ato kinabuhi kuman?
Ginoo ko, himoa ako na instrumento para hikilay-an 'Kaw nan tawo kay Imo man kami tagpuno nan Imo gugma, mga grasya sanan mga regalo kada adlaw, Amen.
What might be the reason for Jesus' weeping and lamentation over the city of Jerusalem.
Jeremiah's prophesy during his time on the destruction of Jerusalem and its temple was echoed by Jesus' weeping and lamentation also.
At the arrival of Jesus, the prophet sent by God to Jerusalem, people did not accept Him in the city because of their pride and lack of faith and for these reasons, they did not believe Him.
Their lack of faith and their disbelief to the Messiah Who was sent by God have been the causes of the devastation and destruction of the city which was in the mind of Jesus.
But the effect of weeping and lamentation was also the reason of mercy and love of God to all and He sent His only Son, Jesus, His living temple Who redeems the sins of the world.
Through Christ, man becomes the temple of the Holy Spirit.
The visitation of God during the olden times is the same visitation that He does to us now through His gifts and the things that the Holy Spirit does for us.
Do we welcome the daily visitation of God in our lives?
My God, shape me as Your instrument to make people realize that You always fill us with Your love, grace and gifts everyday, Amen.
No comments:
Post a Comment