2008-09-30

pagbasa kuman na adlaw

Para dako, an leskiyon kuman: pagkamapailubon, pagkamapahiubsanon.

Dinhi, tagpahinumduman o tagkasab-an pa man gani ni Hesus an idja mga tinudlu-an, si Jaime sanan si Juan, kay nanhambog man sila na gamhanan sila, na puwede nila sunugon an Samaritano na lungsod na dili dila maoabi-abi.

Sa ato kinabuhi, kinahanglan gadjud gamiton nato an ato pagkamapailubon bisan makahibalag kita nan mga madukag sa uyo na mga sitwasyon sanan mga prolema kay sa taglaong sa kanta na ‘matam-is kanunay ang magpahiubos.’

2008-09-29

Text

Pista kuman nan mga arkanghel na sila Michael, Gabriel sanan Raphael.

Wayay ato pagpakabana karadjaw sa mga anghel kon unoy ila papel sa ato mga kinabuhi kay waya man kita katudloi mahitungod dila nan mga bata pa kita.

Sa katesismo sab, gamay ray tagtudlo dato nan ato mga titser.

Pero, sa ako inhibay-an, an mga angel an ato tagapanalipod kon ad-oy ato mga kotra, sila an maghatag dato nan balita pinaagi sa ato mga dam-go, sanan silay sab motabang dato para madadjaw kita sa ato mga sakit.

Sa tanan nato kinabuhi, permi kaibanan nato an ato guardian angel na tagapalipod dato kon ad-oy mga panhitabo sa ato.

2008-09-28

Readings para sa Domigo

Kuman, Lunes, amo pay ako pagsuyat nan ako refleksiyon kay waya may lugar nako na maka-gamit nan kompiyuter kada Domingo - gamit nan ako mga anak an isa ra kabuok namo na yunit sanan besi sab karadjaw sa mga aktibidades sa simbahan.

Naghisgot an ebanghelyo mahitungod sa duha ka anak na tagsugo nan tatay para magtrabaho sa bukid nila.

Nag-oo an isa pero waya nidja tumana an idja tag-tubag sa tatay, pero an naglaong na dili sidja mokadto sa bukid, amo hinooy notuman sa sugo.

Nan nauso pa an kursillo (de colores) sa habungan, kami sanan an ako mga barkada an pinaka-una na no-entra sa grupo.

Pag-gradwet namo sa seminar, amo ra kami nan mga santo kay inka-obserbahan man kami nan mga tawo na mga buotan na mag-barkada.

Waya nay inom, hunong na nan panigarilyo, sadjo pa nan duyon, mouli na sa mga bayay, mahilom an lungsod kay waya na may samok kay waya man an mga masamok na mga ulitawo (kami jaon).

Pero, seguro, isa ka semana ra, balik sa dating mga gawi na sab kami.

Amo seguro ini an isa sa mga buot ipasabot nan Ginoo na kinahanglan bag-ohon nato sa ato mga kinabuhi - an baliktad na himoon kaysa sa tag-sulti.

'Dawa isulti gani, bakak iton,' amo ini an ako pagahidunggan permi sa mga mayaas sa habungan.

2008-09-27

mga pagbasa kuman petsa-27, sabado

Wayay puyos, wayay puyos kuno an tanan mga butang sa kalibutan, laong pa nan isa ka pilosopo.

An ato kinabuhi dinhi sa kalibutan, ato lamang kahatagan nan kapuslanan kon mosunod lamang kita sa mga gusto ipahimo dato nan Diyos.

Nan mga bata pa kita (para sa mga may edad na), himoon lamang nato an mga butang na gusto nato.

Wayay ato pagka-bana sa epekto sanan resulta nan ato mga taghimo, ugsa na usahay, negatibo an mga epekto sana resulta - igkita nan away kay hubog man; makig-lalis kay hataas kuno an prinsipyo; maghagit nan sinumbagay kay maisog kuno; sanan mahamok pa mga panhitabo.

Kuman ra nako ma-realisar na unto nan bata pa ako, tagpreparar na nako an ako espiritwal na kinabuhi kay, sa labing-tinood, inin esprituwal na kinabuhi man gadjud an pinaka-importante nato na dadjawon sana adamon.

Pero, nagtuo ako na dili pa kon ulihi an tanan para mag-bag-o.

Bisan unoy numero nan imo edad, para sa mata nan Diyos, bata pa gihapon kaw kay ini pa man kaw sa kalibutan.

May higayon pa kaw na mag-utro nan imo kinabuhi.

2008-09-26

mga pagbasa kuman na adlaw

Sa Ecclesiastes gihapon ako kuman mobase nan ako refleksiyon.

Tagpahinumduman kita kuman sa una na pagbasa na may panahon o oras para sa tanan, mapa-positibo man o mapa-negatibo, mapa-malipadjon man o mapa-masub-anon.

Sa ato kinabuhi sa habungan, kon ad-uy mag-birtdey, madali kita makigsandurot sa nagselebrar bisan unorakay idja mahigajang dato, sanan malipay man sab kita kay malipadjon man an celebrator.

Pero, kon ad-uy isab kamatjan sa ato, makig-ambit man sab dadjon kita sa kasub-anan nila sugod pa sa pagkamatay hangtud sa ika-kuwarentahan na pangadje. Dili kon parehas sa mga siyudad na pagka-tapos makabisita isa ka beses sa patay, waya na dajoy pakigsandurot sa mga ingka-matjan.

Dimudo, kita sab, gusto sab nato na hibay-an dadjon nato, kuman pa man, an unoy mahitabo sa sunod na mga gutlo, kon panahon man ato esturyahan.

Poreso, kinahanglan gadjud na permi kita andam sa ato mga kaugalingon kay kon moabot na an panahon, bisan uno orasa, wayay ato problema Didja na amoy mag-buot nan tanan.

2008-09-25

Text nan mga pagbasa sa Misa kuman na adlaw

Nan an bata ako, pagakahidunggan nako kaya Nanay sanan sa idja mga kaestorya an word na banidosa kon paga-estaryahan sila na mga kakilaya nila. An pagtuo nako na an buot ipasabot nan banidosa, guwapa sanan esmarte. pero sa pagkonsulta nako sa diksiyunaryo, an meaning nan word: hambog, suplado, mapahitas-anon sana iban pa. Saato pa, negatibo badja an ila diskripsiyon sa ila tag-estoryahan, pero dili kon ipasabot nako na nag-tsismis ra sila mahirungod sa isa ka tawo.

Pero, sa ato pagbasa kuman sa Ecclesiastes, sa tan-aw nako, kon an kinabuhi nato, wayay ato komitment sa ato Ginoo, wayay puyos sab kay tanan nato parte sa ato kinabuhi, puro man gadjud gikan Didja.

Mas maradjaw seguro kon i-dedicate o consecrate nato an ato kinabuhi kan Kristo para sa adlaw-adlaw nato na kinabuhi, naka-ankla kita Didja permi. Kon ibale waya nan tawo an Diyos sa idja kinabuhi, hajupo ra an idja panlantaw sa kinabuhi sanan puno sidja nan mga kagul-anan.

Readings: Text

An pagpanambay nan mga sakit base sa tinuuhan, mahimo lamang kon ibanan nan pagsangyaw sab nan mga pulong nan Ginoo.

Sa ato inhibay-an na an mga tambajon sa lugar nato, bagan may mga gahum sila na makadadjaw nan mga sakit kay sa ila mga muno-muno, bagan ad-on may ila ka-estorya na gamhanan. Sa ila panambay, tag-tuuhan nato na makahimo sila kay de abilidad man sila segun sa ila mga gahum.

Pero kon an ila pagpanambay waya maka ankla sa ila hugot na pagtuo sa Diyos, na an Diyos lamang an makahimo nan pagtambay kay waya may imposible para Didja, wayay puyos gihapon kay kinahanglan, sa Diyos ra man gadjud kita magdepende nan tanan.

Ugsa na sa ato pangaliya, kinahangklan gadjud deretso sa Diyos an ato pakig-estorya sanan an ato mga pangadjuon na mga kinahanglan sa ato mga kinabuhi, ato gadjud mahipadayag didja. Himuon nato an pangadje sanan pagbasa nan mga pulong Nidja adlaw-adlaw kay amo may tawag nidja dato.

Readings: Text

Segurado ako, siyento porsiyento, na dili nako mahimo na dili ko kilay-on an ako Nanay sanan mga lumon. Pero, sa ebanghelyo nato kuman, nahimo ni Kristo na mangutana Sidja kon sin-o'y Idja Nanay sanan mga lumon kay Ginoo man Sidjasanan may punto Sidja na gusto ipaabot sa mga namati Didja.

Kuman, mangutana na kita sa ato mga kaugalingon kon ato ba gadjud taningkamutan na himoon an mga kagustuhan nan ato Diyos, base sa kamatuuran na tagkilaya kita tanan ni Hesus na Idja mga igsoon?

Nan ulitawhay pa ako, hidumduman nako na magalinayas-layas ako para dili ako hikit-an ni Tatay didto sa Jaliobong kay nag-estambay ra man ako didto na waya mag-eskuyla. Sidja an prinsipal sa eskuwelahan didto. Pero nahibayo ako na gusto nidja na mouli na ako sa bayay namo kay inhibay-an man nidja na maniwang na ako kay pangka-pangka na man ako sanan permi hubog kaiban sanan mga barkada na waya sab mag-eskuyla.

Baliktad ini sa sitwasyon sa ato ebanghelyo kuman kay an pinakapunto man gud dinhi kay an pagsunod man nato sa mga kagustuhan nan Diyos. Paningkamutan gadjud nato na makasunod sa kagustuhan Nidja.

Monday 22nd September, 2008
Proverbs 3:27-34. Whoever does justice shall live on the Lord’s holy mountain—Ps 14(15):2-5. Luke 8:16-18.

Readings: Text

Kuman na adlaw, magsugod na ako pagsuyat nan ako reflection sa hinabunganon, after all, amo may tudjo gadjud nako na mapreseraba ang ato sinultihan, an hinabunganon.

Mahitungod sa ebanghelyo kuman na adlawa an taghisgutan, an suga, gusto nako ipaambit didjo an ako gamay na experiyensiya nan bata pa ako didto sa habungan, na may relasyon gihapon sa suga.

Pagkatapos nan amo klase sa hapon nan mga elementarya pa kami, amo ra nan ingka-andan na namo mga mag-klasmeyt na mas-esturyahay anay sa kiosko sa may hasuod sa munisipyo. Sa kagana nan amo esturyahanay dili na namo usahay hibay-an na kahuyom na badja. Dimudo, ija-ija balikwas na dadjon kami para maka-uli kay may mga obligasyon man kami sa amo tagsa-tagsa ka bayay, an magsindi na petromax.

Nan may suga na, sugod na dadjon si Nanay pagtawag sa tanan mga miyembro nan pamilya para mangadje nan orasyon.

An orasyon, o angelus sa englis, an pinaka-importante na parte nan "nightlife" namo sa habungan kay amo man ini an oras na magkatipon-tipon an tanan sa pamilya.

‘Love is always patient and kind. Love takes no pleasure in other people’s sins.’

Wednesday 17th September, 2008
St Robert Bellarmine. 1 Corinthians 12:31—13:13. Happy the people the Lord has chosen to be his own—Ps 32(33):2-5, 12, 22. Luke 7:31-35.

Readings: Text

St Paul gives us a beautiful definition of love in this epistle, something to which we should aspire. He tells us not to judge others but to be kind and patient. Which of us can do it? The people around Jesus failed to see the goodness in him. They hadn’t understood John and now they were judging the Son of God himself. That’s the way we are, we sinners. We often miss the point. We want to control our lives and prove ourselves right and so we are like children shouting at one another, seeing so little of the truth.

Help me, Lord, to see the goodness in the people around me.

‘Treat others as you would like them to treat you.’

Thursday 11th September, 2008
1 Corinthians 8:1-7, 11-13. Guide me, Lord, along the everlasting way—Ps 138(139):1-3, 13-14, 23-24. Luke 6:27-38.

Readings: Text

How remarkable to read—on September 11 of all days—this wise summary of folk ethics. Sadly, its wisdom is not yet ingrained in our humanity. It is as if individually and collectively we too easily overlook this guidance ‘along the everlasting way’. Perhaps the reality of original sin is to be found in our short-sightedness.

We need to take to heart this and other steps towards salvation in today’s readings. The psalmist encourages us to look for deliverance to God who knows us through and through. Jesus personalises this best of guidelines to right living by telling us, ‘Be merciful as your Father is merciful’. Guide us all, Lord, along your way, your everlasting way.